حبات المطر

خلص دمع الگلب وشل دمعهه العين
ونزل دمع السنين أيلاعب بخدي

وعطش بيه الصبر يتوسلك عطشان
ازامط بيك اثاري الماي متبدي

زاعلت العمر بس آنه ألك منذور
ليش سموم حچيك گطعت چبدي

وأظن ليلك ضحك ومسامرك مسموع
بس مسامرك ما يوصل لحدي

شميتك ورد وتگلي اريدك ماي
أخذ مرخوص شنهي تريد من عندي

حبيتك صدگ واليحب مو چذاب
وچِذب من گـال حبك واحد بگدي

شأگلك يا حلم حته بنهار وياي
يا حسبات بيه تجيب وتودي

يدگات الگلّب مو حگي أسولف بيك
أذا دگات گلبي ابابك تجـــــدي

ينسمــات العشگ خلي العشگ وياك
وخل چلمات حبنه ينامن بسدي

يحبات المطر رويني الك عطشــان
وخليهه على ناري شفافك تــندّي

روحي تريد روحك وآنه اريد وياك
او ودي يريد يجمع ودك او ودي ..

محبتي
زياد البصراوي
__________________

روحي ويآك ما شافت فرح دوم
بس كل هاي واختارتك الـــروح ,,
.
وآنه جروحي منك صارن هواي
تعال وياي .. خنصفط بالجروح ,,





هذه قصيدة للشاعر زياد البصري
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

شكرا على القصيدة الحلوة

شكرا على هذه القصيدة الطيفة